جنگ بندی کے اعلان کے باوجود غزہ میں اسرائیلی کارروائیاں جاری ہیں۔ تازہ حملوں میں ایک فلسطینی صحافی محمود وادی سمیت تین افراد شہید ہوگئے۔ محمود وادی کو خان یونس میں رپورٹنگ کے دوران فضائی حملے میں نشانہ بنایا گیا، جبکہ ان کا ساتھی زخمی ہوا۔
اطلاعات کے مطابق وسطی غزہ کے پناہ گزین کیمپ اور زیتون علاقے میں اسرائیلی فائرنگ سے دو نوجوانوں کی جان گئی۔ اسرائیلی فوج نے الزام لگایا ہے کہ جنوبی غزہ میں ’یلو لائن‘ عبور کرنے پر دو افراد کو گولی ماری گئی۔
غیر ملکی میڈیا کا کہنا ہے کہ جنگ بندی کے باوجود اسرائیلی حملوں میں اب تک 350 سے زائد فلسطینی شہید ہو چکے ہیں۔