امریکی رکن کانگریس الہان عمر پر تقریب کے دوران مائع مادہ پھینکنے کا واقعہ

امریکی ریاست منی سوٹا کے شہر مینی ایپولس میں ایک عوامی اجتماع کے دوران ڈیموکریٹ رکن کانگریس الهان عمر کو ایک شخص نے بدبو دار مائع مادہ پھینک کر نشانہ بنایا۔ واقعہ ٹاؤن ہال سیشن کے دوران پیش آیا، تاہم وہ محفوظ رہیں اور انہیں کوئی جسمانی نقصان نہیں پہنچا۔
سیکیورٹی اہلکاروں نے موقع پر موجود مشتبہ شخص کو حراست میں لے لیا۔ الہان عمر ماضی میں امریکی سیاست میں اپنے واضح مؤقف اور تنقیدی بیانات کے باعث خبروں میں رہتی رہی ہیں۔ حکام واقعے کی نوعیت اور محرکات جاننے کے لیے تحقیقات کر رہے ہیں۔