ایچ بی ایل پاکستان سپر لیگ کے 11 ویں ایڈیشن کے لیے مقامی کرکٹرز کی کیٹیگریز جاری کر دی گئی ہیں، جن میں مجموعی طور پر 89 کھلاڑیوں کو پانچ درجوں میں رکھا گیا ہے۔ پلاٹینم سطح پر 16 نام شامل ہیں، جبکہ چند نمایاں کھلاڑیوں کو اس بار اعلیٰ کیٹیگری میں ترقی بھی ملی ہے، اور کئی بڑے اسٹارز اپنی پوزیشن برقرار رکھنے میں کامیاب رہے۔
ڈائمنڈ درجے میں 11 کرکٹرز کو جگہ دی گئی ہے، جن میں کچھ کھلاڑی گولڈ سے اوپر آئے ہیں۔ گولڈ کیٹیگری سب سے بڑی ہے جس میں 32 پلیئرز شامل ہیں، جبکہ سلور اور ایمرجنگ کی فہرستوں میں مجموعی طور پر 30 نوجوان اور ابھرتے ہوئے کھلاڑی موجود ہیں۔
ڈرافٹ سے قبل ہر فرنچائز کو محدود تعداد میں پلیئرز برقرار رکھنے کی اجازت ہوگی۔ لیگ کی تاریخ کا پہلا باقاعده پلیئر آکشن 11 فروری کو شیڈول ہے، جبکہ بیرون ملک کرکٹرز کی رجسٹریشن کی آخری تاریخ میں بھی توسیع کر دی گئی ہے۔
پی ایس ایل سیزن 11 کیلئے کھلاڑیوں کی درجہ بندی سامنے آگئی
