امریکی وزیرِ خارجہ Marco Rubio نے کہا ہے کہ ایران کے پاس ایسے ہتھیار موجود ہیں جو امریکا پر حملے کے لیے تیار کیے گئے ہیں۔
ایک بیان میں انہوں نے کہا کہ ایران اپنے جوہری پروگرام کو بحال کرنے کی کوشش کر رہا ہے، تاہم جوہری سرگرمیوں کے علاوہ بھی اس کے پاس ایسے ہتھیار ہیں جو یورپ تک پہنچنے کی صلاحیت رکھتے ہیں۔ ان کے مطابق اس وقت ایران جوہری افزودگی نہیں کر رہا، لیکن اس کے پاس بیلسٹک میزائلوں کی بڑی تعداد موجود ہے، جو خطے میں امریکی مفادات کے لیے خطرہ سمجھے جاتے ہیں۔
مارکو روبیو کا کہنا تھا کہ جنیوا میں ہونے والے مذاکرات میں ایران کی جانب سے بیلسٹک میزائل پروگرام پر بات چیت سے گریز ایک بڑی رکاوٹ ثابت ہوا۔ انہوں نے امید ظاہر کی کہ ایران کے ساتھ مذاکرات مثبت سمت میں آگے بڑھیں گے اور آئندہ گفتگو میں جوہری پروگرام کے ساتھ دیگر امور بھی زیر بحث آئیں گے۔