اسلام آباد کی انسدادِ دہشت گردی عدالت نے پی ٹی آئی کے رہنما شبلی فراز کو مسلسل غیرحاضری کے باعث 2 مقدمات میں اشتہاری قرار دے دیا۔ یہ مقدمات 28 فروری کے جوڈیشل کمپلیکس حملہ کیسز سے متعلق ہیں۔
سماعت کے دوران سابق وزیرِ قانون راجہ بشارت سمیت دیگر نامزد افراد عدالت میں موجود تھے، جبکہ وکلاء سردار محمد مصروف خان اور زاہد بشیر ڈار نے پی ٹی آئی رہنماؤں اور کارکنان کی نمائندگی کی۔
عدالت نے حاضری مکمل ہونے کے بعد کیس کی مزید سماعت ملتوی کر دی۔ شبلی فراز کے خلاف یہ دونوں مقدمات تھانہ رمنا میں درج ہیں۔