لاہور میں کارروائی، بڑی مقدار میں مضرِ صحت اشیاء تلف

لاہور کے علاقوں کاہنہ نو اور سندر روڈ پر چھاپوں کے دوران 1 ہزار 400 کلو زائد المعیاد منجمد گوشت ضائع کر دیا گیا۔ حکام کے مطابق مزید 900 کلو چنے کی دال، 80 کلو بیسن، 100 کلو مکئی، ایک چکی اور وزن کرنے والا کانٹا بھی قبضے میں لے لیا گیا۔

محکمہ خوراک کے سربراہ نے بتایا کہ غیر معیاری اور ملاوٹ شدہ بیسن تیار کرنے پر چکی کی پیداوار روک دی گئی، جبکہ بیسن میں مکئی کا آٹا ملانے پر متعلقہ یونٹ کو سیل کر دیا گیا۔