خیبر پختونخوا حکومت کے معاون خصوصی برائے اطلاعات شفیع جان نے کہا ہے کہ احتجاجی حکمتِ عملی پر ازسرِ نو غور کیا جا رہا ہے اور رمضان کے بعد دوبارہ سرگرم عمل ہوں گے۔
پروگرام آج شاہ زیب خانزادہ کے ساتھ میں گفتگو کرتے ہوئے انہوں نے واضح کیا کہ احتجاج ختم کرنے کے لیے کسی قسم کا خفیہ رابطہ نہیں ہوا۔
ان کا کہنا تھا کہ بانی پاکستان تحریک انصاف کی رہائی کے لیے قائم کی جانے والی “رہائی فورس” اسٹریٹ موومنٹ کے تحت کام کرے گی۔ اس میں شمولیت سب کے لیے کھلی ہوگی، باقاعدہ رکنیت اور حلف لیا جائے گا، تاہم اسے سیاسی ونگ قرار نہیں دیا جا سکتا۔ انہوں نے مزید کہا کہ بانی کی رہائی کے بعد یہ فورس تحلیل کر دی جائے گی۔