پاکستان مسلم لیگ (ق) پنجاب کے جنرل سیکرٹری، پارلیمانی لیڈر اور صوبائی وزیر صنعت و تجارت چوہدری شافع حسین نے دورہ گجرات کے موقع پر میڈیا سے گفتگو کرتے ہوئے اہم سیاسی و معاشی امور پر اپنے خیالات کا اظہار کیا۔ انہوں نے کہا کہ پنجاب میں صنعتی ترقی، سرمایہ کاری کے فروغ اور عوامی فلاح کے منصوبوں پر بھرپور توجہ دی جا رہی ہے۔
چوہدری شافع حسین کا کہنا تھا کہ حکومت صنعتکاروں کو سہولیات فراہم کرنے اور روزگار کے مواقع بڑھانے کے لیے عملی اقدامات کر رہی ہے۔ انہوں نے مقامی مسائل کے حل اور ترقیاتی منصوبوں کی بروقت تکمیل کے عزم کا بھی اعادہ کیا۔