وفاقی وزیر برائے اوورسیز پاکستانی و انسانی وسائل چوہدری سالک حسین کی بحرین کے وزیر برائے قانونی امور اور وزیرِ محنت یوسف بن عبدالحسین خلف سے ملاقات ہوئی، جس میں دونوں ممالک کے درمیان لیبر تعاون کے فروغ پر تفصیلی گفتگو کی گئی۔ ملاقات کے دوران افرادی قوت سے متعلق امور میں شفافیت، ہم آہنگی اور مؤثر رابطے کے لیے پاکستان–بحرین جوائنٹ ورکنگ گروپ کے قیام کی تجویز پر اتفاق کیا گیا۔ وفاقی وزیر نے بحرینی قیادت کو پاکستان کے دورے کی دعوت بھی دی اور دوطرفہ تعاون کو مزید مستحکم بنانے کے عزم کا اظہار کیا۔
