وفاقی وزیر چوہدری سالک حسین نے دبئی میں پاکستان قونصلیٹ کا دورہ کیا جہاں پاکستان کے قونصل جنرل حسین محمد نے ان کا استقبال کیا۔ دورے کے دوران قونصلیٹ افسران سے ملاقات میں متحدہ عرب امارات میں مقیم پاکستانیوں کو فراہم کی جانے والی سہولیات اور ان کی فلاح و بہبود سے متعلق امور پر تبادلۂ خیال کیا گیا۔ وفاقی وزیر نے کہا کہ حکومتِ پاکستان بیرونِ ملک مقیم پاکستانیوں کے تحفظ اور سہولت کو اولین ترجیح دے رہی ہے۔ انہوں نے قونصلیٹ کے مختلف شعبہ جات کا معائنہ کیا اور پاسپورٹ، قومی شناختی کارڈ اور کمیونٹی ویلفیئر سروسز کے عمل کا جائزہ لیا، جبکہ قونصلیٹ کی نئی عمارت کی ضرورت پر بھی گفتگو کی گئی۔
