وفاقی وزیر چوہدری سالک حسین نے دبئی میں منعقدہ ورلڈ گورنمنٹ سمٹ میں شرکت کر کے پاکستان کی نمائندگی کی۔ اس عالمی فورم پر انہوں نے ڈیجیٹل اکانومی، افرادی قوت کی ترقی اور سمندر پار پاکستانیوں کی فلاح و بہبود سے متعلق مباحث میں حصہ لیا۔ اس موقع پر متحدہ عرب امارات کے لیبر منسٹر سے ملاقات میں مستقبل کی ضروریات کے مطابق مہارتوں کے فروغ پر تبادلۂ خیال کیا گیا۔ وفاقی وزیر نے مختلف ممالک کے نمائندوں سے ملاقاتیں کر کے لیبر مارکیٹ میں تعاون بڑھانے اور انسانی وسائل کی بہتری کے عزم کا اعادہ کیا۔
