آسٹریلیا کے شہر برسبین میں ایک مسجد کو نفرت انگیز واقعے کا نشانہ بنایا گیا ہے۔ غیر ملکی میڈیا کے مطابق بالڈ ہلز کے علاقے میں واقع مسجدِ تقویٰ کی دیوار پر نامعلوم افراد نے اسلام مخالف نعرے اسپرے کیے۔
پولیس کا کہنا ہے کہ یہ واقعہ 17 اور 18 دسمبر کی درمیانی شب پیش آیا، جس کی تحقیقات جاری ہیں، جبکہ عوام سے معلومات فراہم کرنے کی اپیل بھی کی گئی ہے۔
مسجد انتظامیہ نے واقعے کو افسوسناک قرار دیتے ہوئے کہا ہے کہ اس سے مقامی مسلم کمیونٹی میں رنج اور بے چینی پائی جاتی ہے۔ مسجد کے امام کے مطابق ان کا ردعمل غصے کے بجائے امن، اتحاد اور باہمی احترام کا پیغام ہے۔