پاکستانی فاسٹ بولر حارث رؤف نے کہا ہے کہ بابر اعظم ایک عالمی معیار کے بیٹر ہیں اور وہ میدان میں ہمیشہ انہیں جلد آؤٹ کرنے کی کوشش کرتے ہیں۔ آسٹریلیا میں پریس کانفرنس کے دوران انہوں نے بتایا کہ بابر اور رضوان کے خلاف بولنگ کرنا دلچسپ اور چیلنجنگ ہوتا ہے۔
حارث رؤف کے مطابق اس سال بگ بیش لیگز میں ریکارڈ تعداد میں پاکستانی کھلاڑی شامل ہیں، جو سب کے لیے بہترین سیکھنے کا موقع ہے۔ انہوں نے کہا کہ آسٹریلیا کی کنڈیشنز مشکل ضرور ہیں مگر وہ میلبورن اسٹارز کے لیے مکمل دستیاب ہیں اور ٹیم کو کامیابی دلانے کے لیے پرعزم ہیں۔