سویڈن کی حالیہ تحقیق میں بتایا گیا ہے کہ ٹیٹوز بنوانے والے افراد میں جلد کے کینسر میلانوما کے خطرات 29 فیصد زیادہ ہو سکتے ہیں۔ تحقیق کے مطابق ٹیٹوز خاص طور پر میلانوما کے خطرے کو بڑھاتے ہیں، جبکہ اسکویمس سیل کارسنوما پر ان کا اثر واضح نہیں پایا گیا۔
ماہرین کا کہنا ہے کہ ٹیٹوز مقبول ہیں اور اپنی شناخت کے اظہار کا ذریعہ ہیں، مگر اس کے باوجود جلد کی حفاظت اہم ہے۔ ماہرین تجویز کرتے ہیں کہ سورج کی نقصان دہ شعاعوں سے بچاؤ، سن اسکرین کا استعمال اور جلد کا باقاعدہ معائنہ ضروری ہے۔