کراچی میں آئندہ 24 گھنٹوں تک موسم خشک جبکہ رات کے وقت خنک رہنے کی پیشگوئی کی گئی ہے۔ تیز ہوائیں چلتی رہیں گی اور کم سے کم درجہ حرارت 14 ڈگری جبکہ زیادہ سے زیادہ 28 سے 30 ڈگری سینٹی گریڈ کے درمیان رہنے کا امکان ہے۔
دوسری جانب بلوچستان کے شمالی علاقوں میں شدید سردی جاری ہے۔ زیارت، قلات اور کوئٹہ میں درجہ حرارت نقطہ انجماد سے نیچے چلا گیا ہے، جبکہ صوبے کے بیشتر اضلاع میں خشک اور سخت سرد موسم کے باعث نزلہ، زکام اور دمہ کے مریضوں کی مشکلات بڑھ رہی ہیں۔