اسرائیلی میڈیا کے مطابق غزہ جنگ کے طویل دورانیے نے اسرائیلی عوام اور فوجیوں دونوں میں ذہنی مسائل میں واضح اضافہ کر دیا ہے۔ یدوتھ اہرونوتھ کی رپورٹ کے مطابق تقریباً 20 لاکھ شہری مختلف نفسیاتی دباؤ اور ذہنی مشکلات سے گزر رہے ہیں۔
ماہرِ نفسیات پروفیسر روتھ کا کہنا ہے کہ 2018 میں ہر 10 میں سے 1 فرد ذہنی مسائل کا شکار تھا، مگر مسلسل جنگ نے ان اعداد میں شدید اضافہ کر دیا ہے، جبکہ موجود وسائل کے ساتھ اس دباؤ پر قابو پانا مشکل دکھائی دیتا ہے۔
رپورٹ میں یہ بھی بتایا گیا کہ اکتوبر 2023 سے اکتوبر 2025 تک جنگ کے دوران ذہنی تناؤ کے باعث 36 اسرائیلی فوجیوں نے خودکشی کی، جس سے صورتحال کی سنگینی کا اندازہ ہوتا ہے۔