اقوام متحدہ کی سلامتی کونسل میں پاکستان کے مستقل مندوب عاصم افتخار احمد نے کہا ہے کہ افغانستان میں موجود دہشتگرد گروپس کی غیر قانونی اسلحے تک رسائی خطے کے امن کے لیے سنگین خطرہ ہے۔
انہوں نے نشاندہی کی کہ یہ گروہ افغانستان سے کھلے عام کارروائیاں کر رہے ہیں اور انہیں ایک بڑے تخریبی عنصر کی مالی و عملی حمایت حاصل ہے۔
عاصم افتخار نے عالمی برادری سے مطالبہ کیا کہ وہ افغان دہشتگرد گروہوں کی اسلحے تک رسائی روکے اور افغان عبوری حکام کو اپنے وعدوں پر عملدرآمد کا پابند بنائے۔