مشہور ہدایت کار انوراگ کشیپ نے حالیہ انٹرویو میں بالی ووڈ کے “بادشاہ” کے سوال پر کھل کر رائے دی۔ انہوں نے کہا کہ شاہ رخ خان سب سے زیادہ مقبول ہیں، ان کے بعد سلمان خان، جب کہ عامر خان سب سے محنتی اور ذہین اداکار ہیں۔
انوراگ کشیپ کے اس بیان نے سوشل میڈیا پر خوب چرچا مچایا، جہاں مداحوں نے بڑی حد تک ان سے اتفاق کیا کہ شاہ رخ خان اب بھی بالی ووڈ کے سب سے بڑے اسٹار ہیں۔
دلچسپ بات یہ ہے کہ انوراگ کشیپ نے تاحال تینوں خانز کے ساتھ بطور ہدایت کار کوئی فلم نہیں بنائی، تاہم وہ شاہ رخ کے ساتھ فلم لک بائی چانس میں ایک مختصر کردار میں نظر آ چکے ہیں۔