فلسطینی تنظیم حماس نے 2 افسران سمیت 3 اسرائیلی فوجیوں کی لاشیں اسرائیل کے حوالے کیں، جن کی شناخت کرنل اساف حمامی، کیپٹن عمر نیوترا اور اسٹاف سارجنٹ اوز ڈینیئل کے طور پر ہوئی۔ یہ فوجی 7 اکتوبر 2023 کے حملے میں مارے گئے تھے۔
ذرائع کے مطابق حماس نے یہ لاشیں 45 فلسطینی قیدیوں کی لاشوں کے بدلے میں واپس کیں۔
اقوامِ متحدہ کے ایک سروے کے مطابق غزہ میں جنگ بندی کے باوجود نصف آبادی کو خوراک کی شدید قلت کا سامنا ہے، کیونکہ اسرائیل امدادی سامان کی ترسیل میں رکاوٹیں ڈال رہا ہے۔
تازہ اسرائیلی حملوں میں جنوبی غزہ میں مزید 3 فلسطینی شہید ہوئے، جبکہ مجموعی طور پر جنگ کے آغاز سے اب تک 68 ہزار سے زائد فلسطینی جاں بحق ہو چکے ہیں۔