پیرس لوور میوزیم میں زیورات کی بڑی چوری، دو مشتبہ افراد گرفتار

پیرس کے مشہور لوور میوزیم سے قیمتی تاریخی زیورات کی چوری کے معاملے میں فرانسیسی پولیس نے دو مشتبہ افراد کو گرفتار کرلیا ہے۔ حکام کے مطابق ایک ملزم الجزائر فرار ہونے کی کوشش میں ایئرپورٹ سے پکڑا گیا جبکہ دوسرا پیرس کے نواحی علاقے سے گرفتار ہوا۔
گزشتہ ہفتے چار نقاب پوش افراد نے صرف سات منٹ میں 88 ملین یورو مالیت کے زیورات چرا لیے تھے، جن میں نیپولین خاندان کے تاریخی تاج اور ہار شامل تھے۔ ماہرین کا کہنا ہے کہ ممکن ہے چور زیورات کو پگھلا چکے ہوں تاکہ شناخت مشکل بنائی جا سکے۔ واقعے کے بعد لوور انتظامیہ نے قیمتی نوادرات کو محفوظ مقام پر منتقل کر دیا ہے۔