سعودی عرب کی کنگ عبدالعزیز پبلک لائبریری 30 ستمبر کو جنوبی کوریا کے شہر سیول میں “مصنوعی ذہانت اور ترجمہ: مواقع اور چیلنجز” کے موضوع پر بین الاقوامی سمپوزیم منعقد کرے گی۔ اس تقریب میں سعودی عرب، مراکش اور جنوبی کوریا کے ماہرین شرکت کریں گے۔
یہ پروگرام “کنگ عبداللہ بن عبدالعزیز انٹرنیشنل ایوارڈ فار ٹرانسلیشن” کا حصہ ہے، جہاں ترجمے میں مصنوعی ذہانت کے عملی اطلاق، اخلاقیات، کاپی رائٹ مسائل اور ذمہ دارانہ حکمتِ عملی جیسے موضوعات زیر بحث آئیں گے۔
سیشنز میں ابھرتی ٹیکنالوجیز، انسانی و مشینی ترجمے کا امتزاج، عربی زبان کے چیلنجز اور ثقافتی پہلوؤں پر بھی گفتگو ہوگی۔ ماہرین اس بات پر زور دیں گے کہ جدید ٹیکنالوجی ترجمے کے شعبے میں نئی راہیں کھول سکتی ہے اور معیار کو بہتر بنا سکتی ہے۔