ابتدائی برتری کے باوجود پاکستان کی شکست، رضوان کا ردعمل

پاکستانی کپتان محمد رضوان نے کہا کہ ابتدائی 40 اوورز تک میچ ان کے کنٹرول میں تھا مگر ویسٹ انڈیز کے بیٹرز نے شاندار کم بیک کیا۔ انہوں نے شائی ہوپ کی میچ وننگ اننگز اور جیڈن سیلز کی شاندار بولنگ کو سراہا۔ فیصلہ کن ون ڈے میں ویسٹ انڈیز نے 294 رنز بنائے، شائی ہوپ نے 120 ناٹ آؤٹ اسکور کیا جبکہ جیڈن سیلز نے 18 رنز کے عوض 6 وکٹیں حاصل کیں۔ پاکستان کی ٹیم ہدف کے تعاقب میں 92 رنز پر ڈھیر ہوگئی، پانچ بیٹر صفر پر آؤٹ ہوئے۔ یہ ویسٹ انڈیز کی پاکستان کے خلاف 34 سال بعد ون ڈے سیریز میں کامیابی ہے۔