لاہور اور کراچی میں امریکی قونصلیٹ کی ویزا سروسز عارضی طور پر معطل کر دی گئی ہیں، جس کے باعث آج سے 13 مارچ تک کی امیگرینٹ اور نان امیگرینٹ ویزا اپوائنٹمنٹس منسوخ کر دی گئی ہیں۔ امریکی سفارتخانے کے مطابق نئی اپوائنٹمنٹ سے متعلق ہدایات درخواست دہندگان کو ای میل کے ذریعے فراہم کی جائیں گی، جبکہ امریکی شہریوں کے لیے معمول اور ہنگامی خدمات جاری رہیں گی۔
دوسری جانب کراچی میں امریکی قونصل خانے کے باہر پیش آنے والے ہنگامہ آرائی کے واقعے کی تحقیقات شروع کر دی گئی ہیں۔ ایڈیشنل آئی جی سی ٹی ڈی ذوالفقار لاڑک کی سربراہی میں قائم کمیٹی 7 روز کے اندر اپنی رپورٹ وزیرِ داخلہ کو پیش کرے گی۔