مختاراں مائی: “کیس نمبر نائن” معاشرتی درد کی عکاسی کرتا ہے

سماجی کارکن مختاراں مائی نے ڈرامہ سیریل کیس نمبر نائن کو معاشرتی درد کی ایک حقیقت قرار دیا ہے۔ ان کا کہنا ہے کہ پاکستان میں قوانین موجود ہیں مگر ان کا نفاذ اکثر نہیں ہوتا، اور میڈیا صرف اس وقت آواز بلند کرتا ہے جب کوئی واقعہ وائرل ہو جائے۔
مختاراں مائی نے مزید کہا کہ قانون کا نظام اتنا پیچیدہ ہے کہ ایک عام خاتون کو انصاف کے لیے ضروری شواہد کا علم نہیں ہوتا۔ انہوں نے ڈرامے کے شاندار اسکرپٹ اور اداکاری پر شاہ زیب خان زادہ اور صبا قمر کو بھی سراہا۔