سعودی وزیر خارجہ قاہرہ پہنچ گئے، صدر سیسی سے ملاقات متوقع

سعودی عرب کے وزیر خارجہ شہزادہ فیصل بن فرحان ایک سرکاری دورے پر اتوار کی شام قاہرہ پہنچ گئے ہیں۔ سعودی پریس ایجنسی کے مطابق وزیر خارجہ آج مصر کے صدر عبدالفتاح السیسی اور مصری ہم منصب بدر عبد العاطی سے ملاقات کریں گے۔
اس دورے کے دوران سعودی اور مصری رہنما مختلف شعبوں میں دو طرفہ تعلقات کو مضبوط کرنے کے طریقوں پر تبادلۂ خیال کریں گے اور خطے کی موجودہ صورتحال اور پیش رفت پر بھی بات ہوگی۔