لاہور دنیا کا آلودہ ترین شہر قرار، فضائی آلودگی خطرناک حد تک بڑھ گئی

پنجاب کے مختلف شہروں میں فضائی آلودگی کی شدت بدستور برقرار ہے، جبکہ لاہور ایک بار پھر دنیا کے سب سے آلودہ شہر کے طور پر سامنے آیا ہے۔

عالمی ماحولیاتی ویب سائٹ کے مطابق لاہور میں ایئر کوالٹی انڈیکس 477 ریکارڈ کیا گیا، جو خطرناک سطح پر ہے۔ شادمان میں یہ شرح 788، گلبرگ میں 770 اور ڈی ایچ اے میں 744 تک پہنچ گئی۔

گوجرانوالہ، فیصل آباد اور ملتان میں بھی فضا مضر صحت قرار دی گئی ہے۔

ایئر کوالٹی انڈیکس کے مطابق 300 سے زائد سطح خطرناک سمجھی جاتی ہے۔ کراچی بھی آلودہ شہروں میں چوتھے نمبر پر ہے جہاں فضائی معیار 119 ریکارڈ کیا گیا۔