شہزادہ فیصل بن فرحان نے پیر کو اپنے مصری ہم منصب ڈاکٹر بدر عبدالعطی اور روسی وزیرخارجہ سرگئی لاروف سے ٹیلی فون پر رابطہ کیا۔ بات چیت میں حالیہ علاقائی حالات، خطے کی سلامتی اور استحکام برقرار رکھنے کی کوششوں پر تبادلہ خیال کیا گیا۔
اس سے قبل روسی وزیرخارجہ نے شہزادہ فیصل بن فرحان کو دوطرفہ تعلقات اور تعاون کو مضبوط بنانے کے حوالے سے ایک مکتوب بھی بھیجا تھا۔
مزید برآں، سعودی نائب وزیرخارجہ انجینیئر ولید الخریجی نے ریاض میں وزارت کے ہیڈ کوارٹر میں سرگئی کوزلوف سے ملاقات کر کے یہ مکتوب وصول کیا۔