خواجہ محمد آصف نے اپنے بیان میں کہا ہے کہ ایران کے خلاف جاری جنگ دراصل ایک بڑے منصوبے کا حصہ ہو سکتی ہے، جس کا مقصد خطے میں اسرائیلی اثر و رسوخ کو پاکستان کی سرحدوں تک بڑھانا ہے۔ ان کے مطابق صہیونیت عالمی سطح پر ایک خطرناک رجحان بن چکی ہے اور مسلم دنیا کو اس صورتحال کو سنجیدگی سے سمجھنے کی ضرورت ہے۔
انہوں نے یہ بھی کہا کہ افغانستان، اسرائیل اور بھارت کے درمیان مفادات کا اشتراک پاکستان کے خلاف ہو سکتا ہے، اس لیے قوم کو حالات کا ادراک کرنا چاہیے۔
وزیرِ دفاع نے سابق وزیرِاعظم نواز شریف کے جوہری فیصلوں کو سراہتے ہوئے کہا کہ پاکستان ایک ایٹمی طاقت ہے اور اس کی مسلح افواج کی صلاحیت عالمی سطح پر تسلیم شدہ ہے۔
آخر میں انہوں نے فلسطین کی آزادی، پاکستان کے استحکام اور اسلامی ممالک کے باہمی اتحاد کو موجودہ وقت کی اہم ضرورت قرار دیا۔