شیخ رشید احمد نے راولپنڈی میں میڈیا سے گفتگو کرتے ہوئے خدشہ ظاہر کیا کہ خطے میں جاری صورتحال مزید سنگین ہو سکتی ہے، اس لیے پاکستانی عوام کو چوکس رہنے کی ضرورت ہے۔
انہوں نے کہا کہ آیت اللہ خامنہ ای سے منسوب واقعے پر عالمِ اسلام میں رنج و الم پایا جاتا ہے اور موجودہ حالات حساس رخ اختیار کر سکتے ہیں۔
ان کا کہنا تھا کہ شہری اپنے تعلیمی اداروں، عبادت گاہوں اور اردگرد کے ماحول پر نظر رکھیں۔ ساتھ ہی انہوں نے معاشی مشکلات کا ذکر کرتے ہوئے کہا کہ مہنگائی نے عام آدمی کی زندگی مزید دشوار بنا دی ہے اور عوام پہلے ہی سخت دباؤ کا سامنا کر رہے ہیں۔