وفاقی وزیر چوہدری سالک حسین نے تہران میں حالیہ حملوں کے نتیجے میں ایرانی قیادت اور دیگر اعلیٰ حکام کی شہادت پر گہرے دکھ اور افسوس کا اظہار کیا ہے۔ انہوں نے کہا کہ مشکل کی اس گھڑی میں پاکستان برادر ملک ایران کے غم میں برابر کا شریک ہے۔ ان کا کہنا تھا کہ خطے میں بڑھتی ہوئی جارحیت اور معصوم انسانی جانوں کا ضیاع عالمی امن و استحکام کے لیے سنگین خطرہ بنتا جا رہا ہے۔ وفاقی وزیر نے شہداء کے درجات کی بلندی اور متاثرہ خاندانوں کے لیے صبر و ہمت کی دعا بھی کی۔
