پاکستان کرکٹ بورڈ نے 2025–26 سیزن کے لیے مینز ڈومیسٹک کرکٹ کنٹریکٹس کا اعلان کردیا۔
پی سی بی کے مطابق اس سال 157 کھلاڑیوں کو کنٹریکٹس دیے گئے ہیں، جن کی مدت اگست 2025 سے جولائی 2026 تک ہوگی۔ گزشتہ سال کے مقابلے میں کنٹریکٹس کی تعداد 131 سے بڑھا دی گئی ہے۔
نئے معاہدوں میں چار کیٹیگریز رکھی گئی ہیں: کیٹیگری ون میں 30، ٹو میں 55، تھری میں 51 اور فور میں 21 کھلاڑی شامل ہیں۔ بورڈ کے مطابق یہ کنٹریکٹس کھلاڑیوں کی گزشتہ سال کی کارکردگی کی بنیاد پر دیے گئے ہیں۔