سعودی وزارتِ افرادی قوت نے نجی شعبے کے ملازمین کے لیے حج چھٹیوں کے قواعد و ضوابط جاری کر دیے ہیں۔ وزارت کے مطابق ملازمین کو حج کی ادائیگی کے لیے 10 سے 15 دن کی بامعاوضہ چھٹی دی جا سکتی ہے، جس میں عید الاضحی کی تعطیلات بھی شامل ہوں گی۔
شرائط کے مطابق ملازم کو اپنے ادارے میں کم از کم دو سال مکمل سروس ہونا ضروری ہے اور یہ سہولت زندگی میں صرف ایک بار حاصل کی جا سکتی ہے، بشرطیکہ اس سے قبل حج نہ کیا ہو۔ وزارت نے یہ بھی واضح کیا کہ چھٹیوں کی منظوری اور ملازمین کی تعداد کا تعین آجر اپنی ضروریات کے مطابق کرے گا۔
سعودی عرب: نجی شعبے کے ملازمین کے لیے حج چھٹیوں کے ضوابط واضح
