سعودی عرب کے مشرقی ساحل کی ماحولیاتی حالت تسلی بخش قرار

سعودی عرب کے نیشنل سینٹر فار وائلڈ لائف کی دو سالہ تحقیق کے مطابق مملکت کے مشرقی ساحلی علاقے مجموعی طور پر اچھی حالت میں ہیں۔
رپورٹ میں بتایا گیا کہ 400 سے زائد مقامات کے معائنے میں مرجانی چٹانیں، سمندری گھاس اور مینگرووز صحت مند حالت میں پائی گئیں۔
تحقیق میں 90 اقسام کی 80 ہزار سے زائد مچھلیاں اور 69 اقسام کے تقریباً 1.76 لاکھ پرندے ریکارڈ کیے گئے، جن میں ایک نئی نوع “فرینکلنز گل” بھی شامل ہے۔
نیشنل سینٹر کے سی ای او محمد قربان کے مطابق یہ نتائج سعودی وژن 2030 اور سعودی گرین انیشیٹیو کے اہداف کے مطابق ہیں اور سمندری ماحول کے تحفظ کی جانب ایک اہم پیش رفت ہیں۔