گلوکار اور انٹرنیٹ سنسیشن چاہت فتح علی خان نے بیرونِ ملک پیش آنے والے انڈے پھینکنے کے واقعے پر پہلی بار بات کی ہے۔
چاہت فتح علی خان کا کہنا ہے کہ ریستوران کی افتتاحی تقریب کے دوران چند افراد نے اچانک اُن پر انڈے پھینک دیے، جبکہ انتظامیہ نے بعد میں کوئی تعاون نہیں کیا اور سی سی ٹی وی فوٹیج دینے سے بھی انکار کر دیا۔
انہوں نے مزید بتایا کہ ریستوران کے مالک کا تعلق بھارت سے ہے اور انہیں شبہ ہے کہ انہیں جان بوجھ کر نشانہ بنایا گیا۔
چاہت فتح علی خان نے کہا کہ وہ اس واقعے پر قانونی کارروائی کر رہے ہیں تاکہ ذمہ داروں کو سزا ملے۔
: چاہت فتح علی خان نے انڈے پھینکنے کے واقعے پر خاموشی توڑ دی
