کراچی کے ایک نوجوان نے شہر کے مختلف علاقوں میں پاک فوج کے حق میں ریلیاں نکالیں۔ ریلی میں شریک افراد نے پاک فوج سے اظہارِ یکجہتی کیا اور مختلف نعرے لگائے۔ شرکا نے اس عزم کا اظہار کیا کہ وہ ملکی دفاع کے معاملے میں افواجِ پاکستان کے ساتھ کھڑے ہیں۔
واضح رہے کہ پاک افغان سرحد پر کشیدگی کے تناظر میں پاکستان نے ’آپریشن غضب للحق‘ شروع کرنے کا اعلان کیا ہے۔ سرکاری مؤقف کے مطابق جوابی کارروائی میں افغان طالبان کی متعدد چوکیوں کو نشانہ بنایا گیا۔
حکام کے مطابق کارروائیوں کے دوران درجنوں شدت پسند ہلاک اور متعدد زخمی ہوئے جبکہ کئی پوسٹیں اور عسکری تنصیبات تباہ کی گئیں۔ مزید جوابی کارروائیاں جاری رہنے کا بھی بتایا گیا ہے۔