اسرائیلی فوج نے مغربی کنارے کے شمالی حصے میں بڑے پیمانے پر کارروائی شروع کردی ہے۔ فوج کا کہنا ہے کہ سماریا کے علاقے میں انسدادِ دہشت گردی آپریشن جاری ہے تاکہ کسی بھی ممکنہ خطرے کو ابتدا میں ہی روکا جا سکے۔
فلسطینی خبر رساں ادارے وفا کے مطابق توباس، عقابہ اور تمّون میں گھروں کی تلاشی اور توڑ پھوڑ کی گئی، جبکہ ہیلی کاپٹرز کی جانب سے وقفے وقفے سے فائرنگ بھی کی گئی۔ کسی کے زخمی ہونے کی اطلاع نہیں ملی، البتہ علاقے میں لوگوں کی آمد و رفت محدود کرنے کے لیے جزوی کرفیو نافذ کردیا گیا ہے۔
اسرائیل کا مغربی کنارے میں وسیع آپریشن، متعدد علاقوں میں جزوی کرفیو
