قومی اسمبلی کے حلقہ این اے 18 ہری پور میں ضمنی انتخاب کا غیر حتمی غیر سرکاری نتیجہ سامنے آگیا، جس کے مطابق مسلم لیگ ن کے بابر نواز خان نے 1,63,996 ووٹ لے کر میدان مار لیا۔
پی ٹی آئی کی حمایت یافتہ آزاد امیدوار شہرناز عمر ایوب 1,20,220 ووٹ کے ساتھ دوسرے نمبر پر رہیں۔ اس نشست پر مجموعی طور پر 9 امیدواروں کے درمیان مقابلہ تھا، جن میں ن لیگ، پیپلزپارٹی اور متعدد آزاد امیدوار شامل تھے۔
این اے 18 میں رجسٹرڈ ووٹرز کی تعداد 7 لاکھ 53 ہزار سے زائد جبکہ پولنگ اسٹیشنز کی تعداد 602 تھی۔ یہ نشست سابق رکن اسمبلی عمر ایوب کی نااہلی کے بعد خالی ہوئی تھی۔