وزیراعظم شہباز شریف کی زیرِ صدارت وفاقی کابینہ کا اجلاس آج شام 4 بجے وزیراعظم ہاؤس میں منعقد ہوگا۔
ذرائع کے مطابق اجلاس میں سیاسی و معاشی صورتحال پر تبادلہ خیال کیا جائے گا، جبکہ پنجاب حکومت کی جانب سے تحریک لبیک پاکستان (ٹی ایل پی) پر پابندی کے فیصلے پر بھی غور متوقع ہے۔
اس کے علاوہ افغانستان کے ساتھ حالیہ سیز فائر معاہدے اور متعلقہ امور پر وزیر دفاع کابینہ کو بریفنگ دیں گے، جب کہ ای سی سی اور کابینہ کمیٹی برائے قانون سازی کے فیصلوں کی توثیق بھی ایجنڈے میں شامل ہے۔