قومی کرکٹر عماد وسیم نے اپنی سابق اہلیہ ثانیہ اشفاق کو قانونی نوٹس بھیج کر ان کے الزامات کو مسترد کر دیا ہے۔ وکیل عالیہ زرین عباسی کے مطابق ثانیہ اشفاق کے دعوے بے بنیاد ہیں اور میڈیکل ریکارڈ بھی اس کی تردید کرتا ہے کہ کسی زبردستی حمل ضائع کرنے کی کوشش ہوئی۔
نومبر 2023ء میں ورلڈ کپ اور دیگر بین الاقوامی دوروں کے لیے امریکا، متحدہ عرب امارات، آسٹریلیا اور انگلینڈ جانے کا فیصلہ باہمی رضامندی سے کیا گیا تھا، اور اس کا مکمل ریکارڈ عدالت میں پیش کیا جا سکتا ہے۔
وکیل کے مطابق نومبر 2024ء میں اختلافات کے باعث علیحدگی ہوئی، اس وقت ثانیہ حاملہ تھیں، اور جولائی 2025ء میں بیٹے کی ولادت ہوئی۔ اس عرصے میں بچوں کی تمام ضروریات اور اخراجات عماد وسیم ہی برداشت کر رہے ہیں۔