کوہاٹ میں نامعلوم افراد کی فائرنگ سے ایک خاتون ڈاکٹر جاں بحق ہو گئیں۔ ڈاکٹر مہوش اپنی ڈیوٹی مکمل کر کے گھر واپس جا رہی تھیں کہ ڈبل روڈ پر مسلح افراد نے ان پر گولیاں برسا دیں۔ حملہ آور واردات کے بعد موقع سے فرار ہو گئے۔
واقعے کے بعد ینگ ڈاکٹرز ایسوسی ایشن نے شدید احتجاج کا اعلان کرتے ہوئے اسپتالوں کی بندش کا فیصلہ کیا، جس سے مریضوں کو پریشانی کا سامنا ہے۔ تنظیم کے صدر ڈاکٹر عبید کا کہنا ہے کہ ملزمان کی گرفتاری تک احتجاج اور ہڑتال جاری رہے گی۔
پولیس نے مقدمہ درج کر کے تحقیقات شروع کر دی ہیں۔ حکام کے مطابق سی سی ٹی وی ریکارڈنگ اور عینی شاہدین کے بیانات کی مدد سے ملزمان کی تلاش جاری ہے۔