ملک بھر کے ہوائی اڈوں پر وی آئی پی لین 2 کی سیکیورٹی اب مکمل طور پر ایئرپورٹ سیکیورٹی فورس (ASF) کے حوالے کر دی گئی ہے۔ وزارت دفاع کے حالیہ حکم کے مطابق اب اس لین پر نجی سیکیورٹی یا ایئرپورٹ اتھارٹی کا عملہ تعینات نہیں ہوگا۔ یہ فیصلہ سیکیورٹی خدشات کے پیش نظر کیا گیا تاکہ اہم شخصیات جیسے وزراء، مشیران اور غیرملکی مہمانوں کی آمدورفت کو زیادہ محفوظ بنایا جا سکے۔ نیا نظام فوری طور پر نافذ العمل ہوگا۔
