راشد محمود کی صحتیابی کے لیے مداحوں سے دعا کی اپیل

پاکستانی شوبز کے معروف اداکار راشد محمود نے انسٹاگرام پر مداحوں سے اپنی صحتیابی کے لیے دعا کی اپیل کی ہے۔ انہوں نے بتایا کہ وہ پچھلے 21 دنوں سے بستر پر پڑے ہیں اور دل کے مریض ہونے کے ساتھ ساتھ مہروں کی نئی تکلیف کا بھی شکار ہیں۔
راشد محمود نے بتایا کہ جناح اسپتال کے ایمرجنسی وارڈ میں ان کا علاج ہوا اور مختلف ٹیسٹ کیے گئے، جس کے بعد وہ اب خود چلنے کے قابل ہیں۔ تاہم تکلیف ابھی بھی برقرار ہے لیکن شدت پہلے جیسی نہیں۔
اداکار نے کہا کہ مداحوں کی دعاؤں کی ضرورت ہے تاکہ وہ مکمل صحتیاب ہو کر زندگی اور روزگار جاری رکھ سکیں۔