ایم کیو ایم وزراء لطف اندوز، کراچی مسائل کی دلدل میں پھنسا: منعم ظفر

امیر جماعت اسلامی کراچی منعم ظفر خان نے الزام لگایا ہے کہ ایم کیو ایم کے وزراء مزے کر رہے ہیں جبکہ کراچی کو تباہی کے دہانے پر چھوڑ دیا گیا ہے۔

ان کا کہنا تھا کہ بارشوں کے بعد شہر کی حالت تشویشناک رہی، نالوں کی صفائی کے لیے 7 کروڑ روپے مختص کیے گئے مگر کام نہیں ہوا۔ گجر اور اورنگی نالے اوور فلو جبکہ لیاری ندی کا پانی الٹا بہتا رہا۔

انہوں نے کہا کہ ٹاؤنز میں ترقیاتی فنڈز نہیں دیے گئے، ہم اپنے وسائل سے کام کر رہے ہیں۔ منعم ظفر نے مزید کہا کہ کے-4 منصوبہ ایم کیو ایم اور پیپلز پارٹی مکمل نہ کر سکیں، گلشن ٹاؤن میں ریڈ لائن پراجیکٹ کے باعث سیوریج بھی تباہ ہو گیا ہے۔ شہر کو صرف بااختیار بلدیاتی نظام ہی سنبھال سکتا ہے۔