سیکیورٹی فورسز نے خیبرپختونخوا کے ضلع کرم میں دو الگ آپریشنز کے دوران بھارتی حمایت یافتہ فتنہ الخوارج کے 23 دہشت گردوں کو ہلاک کر دیا۔
آئی ایس پی آر کے مطابق خفیہ اطلاعات پر کیے گئے ٹارگٹڈ آپریشنز میں فورسز نے دہشت گردوں کی پوزیشنز کو مؤثر انداز میں نشانہ بنایا۔ پہلی کارروائی میں فائرنگ کے شدید تبادلے کے نتیجے میں 12 جبکہ دوسری کارروائی میں مزید 11 دہشت گرد مارے گئے۔
فورسز کا کہنا ہے کہ علاقے میں کلیئرنس آپریشن جاری ہے اور ملک کو بیرونی حمایت یافتہ دہشت گردی سے پاک کرنے تک انسدادِ دہشت گردی کی کوششیں جاری رہیں گی۔