سعودی وزیرِ مملکت برائے خارجہ امور عادل الجبیر نے کہا ہے کہ قیامِ امن سے مشرقِ وسطیٰ کے خطے میں امید اور خوش حالی کا فروغ ممکن ہے۔
ریاض سے جاری بیان کے مطابق عادل الجبیر نے بتایا کہ سعودی عرب خطے میں دیرپا اور منصفانہ امن کے قیام کے لیے مسلسل کوششیں کر رہا ہے۔
انہوں نے کہا کہ سعودی عرب فلسطینی عوام کی مشکلات کم کرنے کے لیے ایک ارب ڈالر تک کی مالی معاونت فراہم کرے گا۔
عادل الجبیر نے مزید کہا کہ وسائل کو یکجا کیا جائے اور خطے کی صلاحیتوں کو بروئے کار لایا جائے تاکہ امن اور ترقی کو فروغ ملے۔