پاکستان سپر لیگ کے 11 ویں ایڈیشن میں کھلاڑیوں کی سلیکشن اب ڈرافٹ کے بجائے آکشن کے ذریعے ہوگی۔ انتظامیہ کے مطابق اس تبدیلی سے ٹیمیں زیادہ متوازن ہوں گی اور کھلاڑیوں کو بہتر مالی مواقع ملیں گے۔
نئے سیزن میں مینٹورز، برانڈ ایمبیسڈر اور رائٹ ٹو میچ جیسے قوانین ختم کر دیے گئے ہیں۔ ہر فرنچائز آکشن سے قبل چار کھلاڑی برقرار رکھ سکے گی، تاہم ہر کیٹیگری میں صرف ایک کھلاڑی ریٹین کیا جا سکے گا۔
نئی شامل ہونے والی دونوں ٹیموں کو بھی چار چار کھلاڑی منتخب کرنے کی اجازت ہوگی، جبکہ ہر ٹیم ایک غیر ملکی کھلاڑی کو براہِ راست سائن کر سکے گی بشرطیکہ وہ 2025 کے سیزن کا حصہ نہ رہا ہو۔
پی ایس ایل 11 کا آغاز 26 مارچ سے ہوگا اور چند میچز فیصل آباد کے اقبال اسٹیڈیم میں کھیلے جائیں گے۔
پی ایس ایل 11 میں بڑا فیصلہ، ڈرافٹ کے بجائے آکشن سسٹم متعارف
