قطیف کا روایتی مٹی کے برتنوں کا فن—زکی علی الغراش کی کوششوں سے آج بھی زندہ

سعودی عرب کے علاقے قطیف سے تعلق رکھنے والے زکی علی الغراش اپنے خاندان کے صدیوں پرانے مٹی کے برتن بنانے کے ہنر کو آج بھی نہایت شوق اور مہارت سے آگے بڑھا رہے ہیں۔ ان کا خاندان قدیم دور سے اس فن کے لیے مشہور رہا ہے، اور زکی نے اس روایت کو جدید انداز کے ساتھ جوڑ کر اسے نئی پہچان دی ہے۔

دستکاری نمائش “بنان” میں شرکت کے دوران زکی علی نے نہ صرف اپنے فن کا عملی مظاہرہ کیا بلکہ وزیٹرز کو مٹی کے برتن بنانے کے تمام مراحل بھی دکھائے۔ انہوں نے اس ہنر کو زندہ رکھنے کے لیے ورکشاپس بھی منعقد کیں تاکہ نئی نسل اس فن کو سیکھ سکے اور یہ ثقافتی ورثہ مستقبل تک پہنچ سکے۔

زکی علی کے مطابق یہ ہنر علاقے کی شناخت ہے اور اس کی بقا کے لیے ضروری ہے کہ لوگ اسے سیکھیں اور آگے بڑھائیں۔