آسٹریلیا کی معروف تیراک اور چار بار کی اولمپک گولڈ میڈلسٹ آریارنے ٹٹمس نے 25 سال کی عمر میں اچانک ریٹائرمنٹ کا اعلان کر کے سب کو حیران کر دیا۔
ٹٹمس نے سوشل میڈیا پر کہا کہ یہ ان کی زندگی کا مشکل مگر اطمینان بخش فیصلہ ہے۔ انہوں نے بتایا کہ سوئمنگ ان کی زندگی کا بڑا حصہ رہی، مگر اب وہ کھیل سے ہٹ کر زندگی کے دوسرے پہلوؤں پر توجہ دینا چاہتی ہیں۔
انہوں نے انکشاف کیا کہ کینسر کے خوف اور ذہنی دباؤ نے ان کے فیصلے کو متاثر کیا۔ یاد رہے کہ پیرس اولمپکس سے قبل ان کی ٹیومر سرجری ہوئی تھی، جہاں انہوں نے 400 میٹر فری اسٹائل میں سونا جیتا اور مسلسل دوسرے اولمپکس میں گولڈ میڈل حاصل کرنے والی 1964 کے بعد پہلی آسٹریلوی سوئمر بنی تھیں۔