وزیراعظم شہباز شریف آج دوحہ میں ہونے والی ہنگامی عرب اسلامی سربراہی کانفرنس میں شرکت کے لیے قطر روانہ ہوں گے، جہاں وزیر خارجہ اسحاق ڈار پہلے ہی موجود ہیں۔
اجلاس اسرائیل کے فضائی حملوں، فلسطین میں بڑھتی کشیدگی اور فلسطینیوں کو بےگھر کرنے کے پس منظر میں بلایا گیا ہے، جس میں او آئی سی رکن ممالک کے سربراہان اور اعلیٰ حکام شریک ہوں گے۔
یاد رہے کہ اسرائیل نے ایک ہفتہ قبل دوحہ میں حماس رہنماؤں کو نشانہ بنانے کی کوشش کی تھی، تاہم مرکزی قیادت محفوظ رہی تھی۔ پاکستان اور دیگر ممالک نے اس حملے کی شدید مذمت کرتے ہوئے قطر کے ساتھ یکجہتی کا اظہار کیا تھا۔