سیکیورٹی ذرائع کے مطابق پاک فوج نے اسپن بولدک چمن میں افغان طالبان اور فتنہ الخوارج کے تین مختلف مقامات پر کیے گئے حملے ناکام بنا دیے۔ جوابی کارروائی میں 15 سے 20 حملہ آور ہلاک ہوئے جبکہ دشمن پسپا ہو گیا۔
ذرائع کے مطابق حملہ آوروں نے دیہات اور عام شہریوں کو ڈھال کے طور پر استعمال کیا اور پاک افغان دوستی گیٹ کو بھی دھماکے سے تباہ کر دیا۔
اسی طرح گزشتہ رات کرم سیکٹر پر بھی حملے کی کوشش ناکام بنائی گئی، پاک فوج نے 8 افغان پوسٹیں اور 6 ٹینک تباہ کرتے ہوئے متعدد دہشت گرد ہلاک کیے۔ جوابی کارروائی کے بعد علاقے میں امن بحال ہے، تاہم مزید نقل و حرکت کی اطلاعات موصول ہو رہی ہیں۔